«Түлек -2022 –Жаңа Қазақстанның ертеңі» атты балалар жылына арналған мектеп бітіру кеші ұйымдастырылды.

«Үшарал қаласындағы педагог М.Мыңбайұлы атындаға орта мектебі мектеп жасына дейінгі шағын орталығы бар» кмм директоры А.Аханованың 08 маусымдағы №37-н жалпы білім беретін оқу орындарының білім алушыларының қорытынды аттестаттауын және мектеп кешін өткізу туралы бұйрығы негізінде 16 маусым күні«Түлек -2022 –Жаңа Қазақстанның ертеңі» атты балалар жылына арналған мектеп бітіру кеші ұйымдастырылды. Мектеп бітіру кеші екі кезеңнен құралды, бірінші бөлімінде 28 түлекке салтанатты түрде аттестат тапсыру рәсімі өтсе, екінші кезеңі ата-аналарға, ұлағатты ұстаздарға арналған мерекелік кеш болды.
Салтанатты жиынның құрметті қонағы аудандық білім бөлімінің әдіскері А.О.Онумбаева қатысты, мектеп бітіруші түлектерге арналған мерекелік құттықтау сөз берілді. Мектеп директоры А.Аханова түлектерге жылы лебізін білдіріп, артынша, директордың оқу-тәрбие ісі жөніндегі орынбасары М.Бутинчинова білім алушыларының қорытынды аттестатын табыстау туралы директордың бұйрығымен таныстырып, түлектерге аттестат тапсырылды.
«ТҮЛЕК 2022- Жаңа Қазақстанның ертеңі» атты мектеп бітіру кешінің екінші кезеңінде әлеуметтік отбасылар мен балаларға көмек көрсету бойынша түлектердің «Балаларға мейірімді жүректен», «Туған елге тағзым» қайырымдылық бастамаларына, «Мектепке сый» ағаш отырғызу, «Кітап сыйла мектепке», «Алғашқы ұстазыма алғыс!» акциялары өз жалғасын тапты. Мектеп бітіруші түлектердің ата-аналарымен бірге мектеп директоры А.Аханова М.Мыңбайұлы атындағы «Мұхаметбай әлемі» атты танымдық мұражайына саяхаттады. Мектеп бітіруші түлектерге арналған кештің екінші бөлімі ата-аналарға мектеп директорының алғыс хаты табысталып,концерттік бағдарламамен аяқталды.