М.Мыңбайұлы атындағы орта мектебінің ұжымы 22 наурыз күні орталық алаңда өткен Ұлыстың ұлы күніне орай ұйымдастырылған іс-шараға белсене қатысып, қазақтың көне салт-дәстүрі “Босаға майлау” рәсімін өткізді.

Жетісу облысы,Алакөл ауданы,Үшарал қаласындағы педагог М.Мыңбайұлы атындағы орта мектебінің ұжымы 22 наурыз күні орталық алаңда өткен Ұлыстың ұлы күніне орай ұйымдастырылған іс-шараға белсене қатысып, қазақтың көне салт-дәстүрі “Босаға майлау” рәсімін өткізді.
22 наурыз – халқымыздың дәстүрлері мен құндылықтарына қайта оралудың символы әрі жаңа тарихи кезеңді бастауға дайындық. Бұл күні біз ата-баба әдет-ғұрыптары мен салт-дәстүрлерін тамашалап, өткеннің рухын сезінеміз. 
Бұл іс-шаралардың маңызы – тарихымызды жалғастырады, өткенмен байланысты нығайтады және болашаққа жол ашады. Бұл күні біз халқымыздың ауызбірлігі және ежелгі дәстүрлеріміз бен құндылықтарымызды сақтай отырып, барлық сын-қатерлерден бірге өтуге дайын екендігімізді атап өтеміз.
“Жыл басы” –  күнтізбедегі қатардағы күндердің бірі емес. Бұл –  қоғам өміріндегі ерекше сәт, біз бұл күні мерекелік қуанышпен бас қосып, тарихымыздағы жаңа кезеңнің басталуын мақтанышпен атап өтеміз.