“Құрмет time”

️Жетісу облысы, Алакөл ауданы,Үшарал қаласындағы педагог М.Мыңбайұлы атындағы орта мектебінде Мемлекет басшысы Қасым-Жомарт Тоқаев білім беру ісіндегі аса үздік жетістіктері және Қазақстан Республикасына сіңірген айрықша еңбегі үшін, “Қазақстанның еңбек сіңірген ұстазы” төсбелгісімен марапатталған, Үшарал қалалық балалар шығармашылық орталығының директоры Уалиева Асия Уалиқызы мектепішілік “Құрмет time” бағдарламасына қатысып, құрметті қонағы болды.
«Ұстаздық еткен жалықпас, үйретуден балаға» деп данышпан Абай айтқандай, ерінбей, жалықпай еткен еңбегінің арқасында шәкірттерінің жүрегіне жол таба білген мұғалім ғана нағыз ұстаз бола алады.
Асия Уалиқызы - саналы ғұмырының 35 жылын жас ұрпаққа білім беріп, жастарға тәрбие үйретуге арнаған ұлағатты ұстаз. Бір сөзбен айтқанда, көргені мен көңілге түйгені көп ұстаз-басшының өткен өмір белестері кейінгі ұрпаққа үлгі-өнеге.